مما قرأت واعجبني

موقف حصل معي أكدلي ان الناس لسا فيها خير


السلام عليكم ورحمه الله وبركاته

هحكيلكم موقف قصير كده حصل معايا من فتره أكدلي على الاحساس اللي كان عندي ان الناس لسا بخير ومش كلهم وحشين زي ما كتير مننا بيقول كده ... اكدلي ان امه محمد باقي فيها الخير ليوم القيامه لسا
كما قال صلى الله عليه وسلم :

(الخير فيَّ وفي أمتي إلى يوم القيامة) صدق رسول الله صلى الله عليه وسلم

الموقف ده عرفني تمام ان كل شخص جواه خير كتير جدا
جواه كنز مدفون محتاج لازاله الاغبره من حوله
محتاج اللي يوجهه فقط

المهم :
كنت في احد الايام راجع من جامعتي في عز الحر في المواصلات , الواحد زهقان بقا ومش طايق نفسه وضغط الدنيا مش مخلي الواحد شايف حاجه حلوه ... فالمهم ركبت مايكروباص علشان ارجع ... فاكنت قاعد ورا جمب الشباك اليمين

وفجأه واحنا ماشيين في الطريق قربنا من تقاطع مزلقان ( قضبان القطر ) فطبيعي ان السواق يخفف سرعته

فلقيت واحنا ماشيين براحه شخص ملتحي بسيارته جمبنا عمال يشاورلي وفي ايده شويه كتيبات صغيره كده ( حصن المسلم ) كتيبات جميله ( طبعا اداهالي واحنا ماشيين اصل احنا الشعب المصري مافيش حاجه صعبه عليه بأمر الله ) ههههههههههه
فأستغربت لامره ... قلت ماله ده بيبيع كتب وهوا ماشي ولا ايه :D

فالمهم فتحت الشباك بسرعه وقلتله نعم ؟
قالي خد دول وزعهم على الناس اللي جمبك وخدلك واحد وادعيلي

انا استغربت اوووي طبعا وماصدقتش غير لما اخدت الكتيبات منه ... وعلى عدد ركاب المايكروباص ... واللي هما تقريبا 15 شخص !!!

اه بجد ده اللي حصل تماااااام

بس ياترى هوا عمل كده ليه ؟ ياترى هوا عاوز شهره ؟ ولا عاوز الناس تقول عليه اه الراجل ده كويس وبيعمل خير ؟ ولا ياترى علشان يرآئي الناس ؟؟

طبعا و 100% ولا حاجه من دي ... اصله ماشي بعربيته ولا يعرفنا ولا نعرفه
ولا طالبنا بحق الكتب ولا اي حاجه

ده راجل فيه الخير كما وصف سيد الخلق ان في امته الخير
رجل انفق من مال الله ليذكر خلقه به

ليكون لنا ناصحا وسبب في القرأءه في احاديق وادعيه قيمه جدا ...
رجل ابتغى جنه ربه ففعل لها ... وبجد الموقف ده خلاني في قمه السعاده اني رأيت ناس لسا في هذا الزمان بهذا الشكل

ربنا يبارك في شبابنا وبناتنا ورجالنا ونسائنا واطفالنا وفي امه محمد كلها ... ويارب دايما نكون عون لبعض لنذكر بعذنا بالله سبحانه وتعالى دلوقتي عرفت ان فينا الخير ولكان جوانا الخير ؟ بس النفس البشريه محتاجه اللي يفكرها دايما ويوجها
من فضلك انضم لصفحتنا على الفيس بوك ↓↓

Share انشر الموضوع على الفيس بوك

Twitter Delicious Facebook Digg Stumbleupon Favorites More

 
Powered by Blogger